ओली र प्रचण्ड नेपाल समुहलाई झ’ट्का, बामदेवले अर्को साता यस्तो सरप्राइज घोषणा गर्दै





ओली र प्रचण्ड नेपाल समुहलाई झ’ट्का, बामदेवले अर्को साता यस्तो सरप्राइज घोषणा गर्दै

काठमाडौं । नेपाल कम्युनिस्ट पार्टी अनौपचारीक रुपमा विभाजन भएको समयमा नेकपाका उपाध्यक्ष वामदेव गौतमले भने दुवै समुहलाई छुट्टै सरप्राइज दिने भएका छन् ।अहिले सम्म कुनै समुहको समर्थनमा नलागेका गौतम अहिले भैसेपाटीमा बसेर छुट्टै अभियानमा लागेका छन् । उनले दुवै समुहले पार्टी विभाजनलाई बल पुग्ने गतिविधि गरेको भन्दै तटस्थ बसेका छन् ।




तर अर्को साता उनले आफ्नो योजना सार्वजनिक गर्ने भएका छन् । त्यसका लागि देशभरीवाट १५०१ जनाको नाम लिष्ट तयार पारेका छन् । उनले तटस्थ नेता कार्यकर्ताको समुह बनाएर पार्टी एकताको अभियान चलाउने भएका छन् । आफ्नो समुहमा उनले तटस्थ नेता कार्याकर्ताको खोजी थालेका हुन् । देशभरी त्यस्ता ब्यक्तिको खोजेर लिष्ट तयार पार्ने काममा उनी लागेको बताइएको छ ।




गौतम निकट स्रोतका अनुसार अहिले १५०१ जनाको एकता अभियान गठनको लागि यतिबेला बामदेव ब्यस्त छन् । यद्धपी उनलाई आफ्नो समुहमा ल्याउन दुवै पक्षले प्रयास जारी राखेका छन् । भैसेपाटीमै पुगेर दुवै पक्षका नेताहरुले परामर्श गर्दै आएका छन् ।उनले दुवै पक्षलाई आफु कुनै समुहमा नलाग्ने बताउँदै आएका छन् । गौतमको निर्देशन अनुसार देशभर तटस्थहरुको पहिचान गरी नाम संकलन गर्दै एकता अभियानमा नाम राख्न शुरु भएको छ ।




गौतमले अर्को हप्ता १५०१ को एकता अभियानको घोषणा गर्दैछन् । उनी निकटस्थका अनुसार अभियानमा तटस्थ रहेकाहरुको उल्लेख्य संख्या हुनेछ ।यतिबेला गौतमलाई प्रधानमन्त्री ओलीले उपप्रधानमन्त्रीसहित आकर्षक मन्त्रालय र सहअध्यक्षको प्रस्ताव गरेका भए पनि उनले त्यो प्रस्ताव अस्विकार गरेका छन् । पुष्पकमल दाहाल प्रचण्डले पनि आफ्नो समूहमा महत्वपूर्ण स्थान दिने प्रस्ताव गरेका थिए । तर, गौतमले स्वीकार गरेनन् ।

Leave a Reply

Your email address will not be published. Required fields are marked *